كيف تحضرين سموذي سريع

السلام عليكم ورحمة الله
زي ما كلنا نهتم بالجمال الخارجي والمنتجات الجمالية لازم نهتم بالرشاقة والاكل الصحي
عدد كبير من المشاهير صارو يعتمدوا السموذي كجزء من الدايت حقهم منهم ميراندا كير، ايفا لونغوريا، جيسيكا البا ... وغيرهم
عجبتني فكرة انه شيء بسيط زي دا يكون بداية الهيلثي لايف ستايل فحبيت اشارككم طريقة سهلة لتحضير سموذي لذيذ وصحي

اول شيء نختار الفواكه اللي نحبها او الفواكه اللي فيها فيتامينات محددة نبغاها
نغسلها كويس نقطرها من الموية وبعدين كله في الخلاط
 نحط شوية حليب او عصير برتقال على حسب ذوق كل وحدة، عن نفسي افضل الحليب
كمان اذا نبغى نحليه نحط بدل السكر عسل طبيعي
لما يمتزج الخليط نصبه في قوالب وندخله الفريزر
الاحسن نستخدم قوالب السيليكون بدل البلاستيك الصلب لانه بيلصق عليه ويصير صعب نطلعه
بعد ما يتجمد نشيله من القوالب ونقسمه لاجزاء
نحط كل جزء لحاله في اكياس حفظ الاكل ونرجعه الفريزر ثاني
 الشكل على اليسار كان في قالب السيليكون
اشتريت منهم عدد عشان بعد التجميد احط كل ثلاثة في كيس وارصهم فوق بعض
ما ياخذو مساحة وشكلهم يكون مرتب مو عشوائي
دحين مكعبات السموذي جاهزة للاستخدام
بس مشوار للثلاجة نطلع كيس او اثنين حسب الحاجة ونخلطهم في الخلاط
 et voila
سموذي صحي منعش ومرا يممممممي

5 comments:

  1. يعطيك العافية عالموضوع ❤️😊 مرا جميل السموذي جربي كمان سموذي الاناناس والبقدونس وااعنب الاخضر مرا مفيد وطعمه يجنننن

    ReplyDelete
  2. ميرسي يا قمر، انا ماحب البقدونس مع العصير بس راح اجرب الاناناس والعنب ان شاء الله

    ReplyDelete
  3. شكله لذيييذ مره <3

    ReplyDelete
  4. شكلوو لذيذ
    وحلوه فكرتك اول مره اشوف انو تسوس العصير بعدين تجمديه
    دائما كنت اشوف يجمدو الفواكه
    يعطيك العافيه يا رب
    ومشاء الله تصويرك يفتح النفس

    ReplyDelete