مشترياتي من ميني وجولة صغيرة

السلام عليكم ورحمة الله
اليوم كنت مخططة اخذكم معايا جولة تفصيلية بالصور في ميني, لكن للاسف المكان على طول مليان ما قدرت اصور براحتى,كل ما اسوي فوكس على مكان معين الاقي ناس رايحين جايين, كان ودي اصرخ ستووووب لاحد يتحرك عصبت, بس خفت يجيبون الامن
المهم  قدرت اخذ كم لقطة وراح اوريكم ايش اشتريت تحت
اللي ما تعرف ايش ميني, هو عبارة عن محل زي نظام دايسو ومهجة وبرافو

مكانه السليمانية بلازا البوابة 3
متوفر فيه كل شيء تقريبا وباسعار رخيصة
المحل يستهدف كل الفئات وبصراحة يستحق الزيارة
اشتريت الشيء الحديدي هذا اللي يشيل الكاب كيك ب 35 ريال
عادة ابعد عن الاشياء اللي مصنوعة من الحديد مهما كانت حلوة لانها تصدي على طول اذا جه عليها موية, بس هذا ما يحتاج غسل راح امسحه بالمناديل فققققط
مرة كنت في محل واغرتني علبة حديدية صغنونة مرا كيوت
كنت في صراع مع نفسي
الجانب العاقل مني كان يقول لا تشتريها ما تحتاجينها وما تنفع
والجانب المتهور كان يقول لا حرام مرا حلوة كيف تقدري ترفضي شيء ناعم للدرجة هادي
الجانب العاقل يقول ما تصلح راح تصدي
الجانب المتهور يرد وايش اللي راح يخليها تصدي وبعدين حتى لو صدت خلاص ارميها
وبما ان النفس امارة بالسوء زي ما انا وانتوا عارفين
  اشتريتها لبنس الشعر واخذتها معايا لما سافرت وبقدرة قادر مادري من فين جاتها الموية وصدت على جاكيت ابيض جديد في الشنطة
 سو اتعلمت الدرس, شفتوا التهور فين يوديكم, لا تتهورون خليكم عاقلين اسلم
الاثنين هادولا محتارة ايش اسوي فيهم
مادري اعبيهم رمل ملون او حصى للديكور ولا احط في واحد خل وواحد زيت واحطهم مع السلطة للتتبيل
لسة ما قررت, ممكن استخدمهم للاثنين ماحد عارف
الواحد ب 4 ريال
هذا عارفة ايش احط فيه بالضبط
حلوى صغيرة من شوكولاين, حجمها مناسب وشكلها راح يكون مبهج بالالوان
ممكن تحطون فيه اشياء على التسريحة كمان, امكانياته مالها حدود
سعره 12 ريال
اخذت ماسك باندا فيس للعيون, مررررا سووووفت
ب 3 ريال
هذا ماني متاكدة يا انه ب 3 او 5 ريال
 لا تسألوا ليش, مالكم صلاح
 انا ماااااوس
اخذت ماسكات للوجه وماسك الكولاجين لتحت العين
ب 5 ريال للواحد
الاشياء المختلفة هادي ماني فاكرة الا سعر علبة الالوان ب 5 ريال
الباقي مادري كم بس ماعتقد يتعدى 10 او 15 ريال
مرا رخيصين
زوجي لووووووووف
ههههههههههههههههههههههه امزح بيبي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اذا فيه احد في الجهة الثانية بيقرأ اكتبوا تعليق خلونا نعرف ايش رايكم
 هذا كل شيء بالنسبة لتدوينة اليوم
الى اللقاء في تدوينة جديدة عزيزاتي
خليكم قريبين

5 comments:

  1. تتهني فيهم ي قميل
    صراحه شكلو المحل خطير يبغالو زياره << ان شاء الله لما اروح جده
    حبيت اللي يشيل الكب كيك شفت منو مره ب 75 وقلت مايستاهل لكن دا احلى وارخص
    وماسك الباندا مرره كيوت حبيتو
    تتهني فيهم مره تانيه ☺

    ReplyDelete
    Replies
    1. ميرسي يا قمر ، بوووووووووسة😘😘😘

      Delete
  2. مشتريات كيوت عجبني تبع الزيت وفكره الرمل حلوه وعلبه للارواج والاشياء اليوميه تتعني فيهم تبارك الله

    ReplyDelete
  3. ما شاء الله مرة روعة الاشياء ذوقك خطير و اسعار المحل مرة جميله
    بالنسبة للاشياء الحديد اشتريلها مانيكير شفاف (توب كوت ) ما يمون مرة غالى يعنى و خليه تدهنى فيه الاشياء المعدنيه دى اول ما تشتريها
    يحافظ عليها إن شاء الله

    ReplyDelete
  4. واااا ف جدة كويس والله
    ننزله ان شاء الله .. يعطيك العافية حبيت مدونتك لسى مالي نص ساعة من عرفتك و الليله ح تكون صباحي اكيد ✌🏼

    ReplyDelete