شرح مهم عن العينات المجانية + قيف اواي giveaway

السلام عليكم بنات 
من كم يوم صار صراع على الانستقرام  بسبب اعلان بنفت عن عينات مجانية ما تحتاج عملية شرائية, بس نوريهم الصورة اللي على حسابهم في اي فرع من فروع وجوه
المشكلة انه مجموعة كبيرة جدا من البنات لما راحو محلات وجوه البائعات طلبو منهم يشتروا عشان يحصلو على العينات وفيه اللي قالولهم العرض خلص من شهر وهو دوبه نزل الاعلان وفيه اللي قالولهم مافيه عرض اصلا وهذا سبب استياء وخيبة امل وتعليقات سلبية على حساب بنفت في الانستقرام


بعدين بنفت ردت على تعليقات البنات بانه العرض حقيقي ومازال مستمر وما يحتاج تشتروا اي شيء للحصول على العينات
انا كنت متابعة الموضوع وغير مهتمة لان المنتجين اصلا عندي من زمان بس صادف اني اروح الريدسي مول " عشان ايفنت ميك اب فور ايفر, شوفو التغطية هنا " فمريت على وجوه اسأل عن العرض 
لمن دخلت المحل كانو دوبهم فاتحين بعد الصلاة والبنت المسؤولة عن بنفت لسة ما رجعت
 سألتني وحدة اذا احتاج مساعدة قلتلها ابغى اخذ العينات المجانية حق بنفت ما كان عندها فكرة عن الموضوع وتدخلو بنتين من المحل للمساعدة بس نفس الشيء ما عندهم فكرة عن اي عرض
 اخر شيء المدير بنفسه جه وريته الصورة واداني العينات, وقتها قررت اكتب تدوينة كاملة عن الموضوع وكمان اسوي قيف اواي لعدد من عيناتي الشخصية
انا دائما لما اخرج اروح محلات الملابس والميك اب اكثر شيء, تقريبا اقدر اقول اني عمري ما رحت سوق الا دخلت محلات المكياج 
كل ما اشتري شيء اطلب عينات مجانية واحطها في الدرج هدا
فيه بنات بيقولو احنا بنشتري لكن ما بيعطونا عينات؟؟؟ اوكي. السبب بسيط جدا وهو انكم ما طلبتو
وفيه مجموعة يقولو احنا كل ما طلبنا عينات يقولو خلصت, نو بروبلم الحل بسيط بردو, مو شرط تاخذوا عينات من نفس الماركة اللي اشتريتوها
يعني لو اشتريتي من شانيل وعيناتهم خلصت خليهم يعطوكي عينات من ديور او ايستي لودر او اي نوع ثاني متوفر
كمان اشتروا العلب الصغيرة هادي ودايما خدوها معاكم لما تروحو محلات الميك اب
انا لما انزل السوق اي منتج سائل او كريمي ابغى اجربه بحطه فيهم عشان اجربه في البيت براحتي واقرر هل اشتريه او لا لاني كم مرة اجرب منتج في المحل واشتريه بس بعدين اكتشف اني تسرعت واقعد اتحسف
 
اخر شيء البروشورات خذوهم على طول عشان تتعرفوا على المنتجات اكثر
الخطوات هاذي لو اتبعتوها ما راح تواجهوا اي مشاكل ابدا 
بالنسبة للكيوتات الخجولات اللي بينحرجوا يطلبو عينات ابغى اقولهم خليكم جريئات, انتو في الاول والاخير بتشتروا ما بتشحتوا والشركات بتسوي التيسترات هادي عشان تكسب زباين للمنتج وانا وانتو زباين
دحين ننتقل للقيف اواي
اول شيء طبعا العينات اللي كانو السبب في كتابة الموضوع 
بنفت
شانيل 

ديور

 ايستي لودر
كلينيك
رين, لانكوم, جيفنشي, وميك اب فور ايفر
عينات مختلفة من لاش للشعر, الوجه والجسم
 واخيرا اضافة بسيطة للفائزة
شمعة صغيرة وشراب بزبدة الشيا من باث اند بادي ووركس
مزيل المكياج بايوديرما, سكراب سوب اند قلوري وبادي اويل من بوتس
شروط المسابقة بسيطة 
فولو ليا في الانستقرام/ فيس بوك/ تويتر
شير للصورة على حسابكم مع منشن لحسابي  dazzle_chic1@ وللقيف اواي
منشن ليا في الانستقرام اكتبوا فيه رأيكم في الموضوع
واخيرا اكتبوا تعليق على المدونة لان الفائزة راح اختارها من هنا وراح اتواصل معاها اخذ منها العنوان
good luck girls



32 comments:

  1. التصوير😍👌
    انا رحت عشان اخذ العينات قالت لي تعالي الاحد عشان بتوصل لي دفعه جديده ومع الاسف ما رحت😢مع انو كان مرره نفسي في البرايمر بس يلا ان شاء الله انها خيره وانا صراحه انسانه استحي اطلب عينات لان احس انهم مو كويسات وكنك قاعده على قلبهم اخاف يفشلوني ولا شي
    بعضهم سيئات في التعامل👎
    ان شاء الله افوز🙏

    ReplyDelete
    Replies
    1. هادي مشكلة اغلب البنات بيستحوا
      دووووووونت , انتوا اللي مفروض تكونوا مسيطرات على عملية الشراء مو البائعات

      Delete
  2. ماشاء الله عليك انتي بجد رائعة .. بصراحة انا من اللي يستحوا يطلبوا العينات وكثيير منتجات اشتريها واتحسف بس كلامك شجعني ولازم اكون انا المسيطره ههههه.. القيف اواي روعه والتصوير جمييل مرا .. ربي يسعدك ياسوكره

    ReplyDelete
  3. ماشاء الله عليك انتي بجد رائعة .. بصراحة انا من اللي يستحوا يطلبوا العينات وكثيير منتجات اشتريها واتحسف بس كلامك شجعني ولازم اكون انا المسيطره ههههه.. القيف اواي روعه والتصوير جمييل مرا .. ربي يسعدك ياسوكره

    ReplyDelete
  4. موضوعك مرره حلوو انا من النوع الى استحي اطلب عينات
    ودايما اتردد لمن ابغى اختار منتج ﻻنو بشترتي ما يناسبها اي شئ
    القيفاوااي جميل وانتى اكيد الاجمل ❤

    ReplyDelete
  5. القيف اواي مرا بططل حمستيني اشترك فيه وفالي الفوز يارب ❤️ بالنسبة لطلب العينات انا مرا استحي اطلب احس كدا مدري كيف ولمن احد يعطيني بدون مااطلب شوفي قد ايش انبسط🙊🙊

    ReplyDelete
  6. بس حبيت اقولك كمان حسابك بالفيس والتويتر ابدد مو راضي يطلع ليا 😥

    ReplyDelete
  7. فيه أيقونات فوق على اليمين اضغطي عليها تحولك للفيس بوك وتويتر

    ReplyDelete
  8. This comment has been removed by a blog administrator.

    ReplyDelete
  9. This comment has been removed by a blog administrator.

    ReplyDelete
  10. اليوم رحت اخدت عينات من بنفيت بس حلو لو كدا يعطونا عينات نجرب والي يناسبنا نشتري ان شاء الله بسوي زيك اخد عينات والله يجزاك خير على الموضوع الرائع وان شاء الله افوز في المسابقه😉

    ReplyDelete
  11. جاتني ستة تعليقات متفرقة على اجزاء بحتفظ بالتعليق الكامل واحذف الباقي

    ReplyDelete
  12. ما شاء عليك ، تصويرك وكلامك يفتح النفس ، بالنسبة للعينات زي البنات ما
    قالوا آستحي اطلب عينات :( دائماً اخلي اختي تطلب لأنها أجرأ مني هههههه العينات جميلة تساعدك اذا تناسبك ولا لا تناسب بشرتك ، لأنه قهر تشتري شيء ولما ترجعي البيت تلاقيه مايناسبك ،،
    انا شوفت القيف اوآي عجبني قلت لازم اشترك ، بس جد كانت فرصة اتعرفت على مدونتك و حسابك في الانستقرام مررآ استفدت ،يعطيك العافية ♥

    ReplyDelete
  13. ما شاء عليك ، تصويرك وكلامك يفتح النفس ، بالنسبة للعينات زي البنات ما
    قالوا آستحي اطلب عينات :( دائماً اخلي اختي تطلب لأنها أجرأ مني هههههه العينات جميلة تساعدك اذا تناسبك ولا لا تناسب بشرتك ، لأنه قهر تشتري شيء ولما ترجعي البيت تلاقيه مايناسبك ،،
    انا شوفت القيف اوآي عجبني قلت لازم اشترك ، بس جد كانت فرصة اتعرفت على مدونتك و حسابك في الانستقرام مررآ استفدت ،يعطيك العافية ♥

    ReplyDelete
  14. يعطيكي العاافية ياارب وإن شاء الله يكون ليا نصيب معااكي

    ReplyDelete
  15. ماشاء الله مدونه رائعه ومفيده
    ويارب نتوفق معك
    @gopotrrrrr

    ReplyDelete
  16. ماشاء الله مدونه رائعه ومفيده
    يارب نتوفق معك
    @gopotrrrrr

    ReplyDelete
  17. مدونه رائعه يعطيك العافيه
    @noorgalb

    ReplyDelete
  18. مدونه رائعه يعطيك العافيه
    @noorgalb

    ReplyDelete
  19. ماشاء الله مدونه رائعه و أشكرك على طرح هذا الموضوع لان فيه بنات كثير و انا منهم ما يدرون ان فيه عينات مجانيه بامكانهم الحصول عليها عند الشراء من اي محل للمكياج ..

    ReplyDelete
  20. ماشاء الله مدونه رائعه و أشكرك على طرح هذا الموضوع لان فيه بنات كثير و انا منهم ما يدرون ان فيه عينات مجانيه بامكانهم الحصول عليها عند الشراء من اي محل للمكياج ..

    ReplyDelete
  21. ماشاء الله مدونه رائعه و أشكرك على طرح هذا الموضوع لان فيه بنات كثير و انا منهم ما يدرون ان فيه عينات مجانيه بامكانهم الحصول عليها عند الشراء من اي محل للمكياج ..

    ReplyDelete
  22. ما شاء الله رووووعه

    ReplyDelete
  23. ودي اطلب منهم عينات بس اخجل شوي هالمره بسنع كلامك واقولهم لان من جد ودي اجرب اشياء جديده بس خاف اشتريها وماتناسبني

    ReplyDelete
  24. مدونه جميله يعطيك العافيه @yarb6

    ام عبودي

    ReplyDelete
  25. ادري انه مرا بدري والكلام هذا له اكثر من سنه لكن حبيت اشارك لات دوبي كنت اشوفه انا مثل البنات الي فوقي استحي اطلب عينات امس كنت في ماك ولاول مرة في حياتي اطلب عينات كان نفسي اخذ اكثر لكن ما عرفت ابش اخذ ف عندي سؤال كيف اطلب منهم عينات يعني كيف اقولهم شكرا لك

    ReplyDelete
    Replies
    1. عادي تقولين ابغى عينة من دا ودا ودا ويحطولك من كل اللي تبعيته عينة في علبة، وفيه محلات كبيرة زي سيفورا، وجوه، باريس غاليري، ودابنهامز يعطونك عينات مختلفة مع كل عملية شراء وبردو تقدري تطلبي عينات ثانية من أشياء ودك تجربينها، المهم روحي على الانستقرام حقي واح تلقين كيف اطلب العينات بالفيديو 💋💋💋

      Delete
  26. جد جد ماشاء الله عليك
    خليتيني افكر بالموضوع انا يروح من بالي وعجبتني فكره العلب صراحه انتي توب ❤️0❤️ا

    ReplyDelete
  27. موضوعك جميل جدا ، صراحة توني اكتشفك قريب وزعلانه مره اني ما حلفني الحظ اتابعك من زمان لانك شخصيه جميله وتلقائيه وبسيطه وهذه الصفات صارت نادره جدا ❤❤❤❤
    المهم تعقيبي على هذا الموضوع انه بالنسبه لي اسوء شئ صار بالحياه لما البنات صاروا يشتغلوا في المحلات ، مو فاهمين لشغلهم و تعاملهم مو كويس ابدا اذا طلبتي منها حتى تجيبلك شئ بتشتريه ما بالك بالعينات !! وصارلي موقف من قبل كنت جالسه اجرب تيسترز لمنتجات مختلفه انا حاطتها ببالي وابغى اشوفها ع الطبيعه يعني والبنت من الاول وهي تنافخ ومو عاجبها وفي النهاية كلمتني وقالت ما عندنا تجربه هنا اصلا وصار ممنوع والخ وعاملتني بطريقه مهينه جدا وعنصريه ( انا اجنبيه مو سعوديه ) اعتقادا منها علشاني مو سعوديه يعني ما اقدر اشتري هذه المنتجات واني جايه العب !! وفي نفس الوقت كان في كذا بنت سعوديه جالسه تجرب وما قالت لهم شئ ..
    انا عادة ما اسكت اذا احد قل احترامه معاي بس الموقف جدا جدا صدمني لدرجة اني طلعت بسرعه قبل ما اصيح و جلست اسبوع واكثر ضايق صدري وبس افكر في الموقف ..
    ما ادري صراحة ليش المعاملة كذا في كل الدول العربيه الدول الاجنبيه غير غير التعامل ويحترمون الجميع ، بس انا بعد هالموقف تقريبا صرت كل شئ اشتريه اونلاين او اذا سافرت دوله اجنبيه وما انزل المولات لغرض شوبنج المايكب ابدا ����

    ReplyDelete
  28. ياليت ارحمونة عشان نو كل عند كل التطبيقات وير بين تعلمينة طريقة مضمونة لب حصول عليها بدون عذاب😢😢😢😢😢😢بليز

    ReplyDelete