تغطية ايفنت ميك اب فور ايفر


هاي بنااااااااااات 
اليوم التدوينة حتكون نقل للايفنت اللي سوته ميك اب فور ايفر بالتعاون مع وجوه في الريدسي مول جدة
الفكرة من الحدث انه كل بنت تجيب شنطة مكياجها اللي تستخدمه وخبيرات التجميل يتحاورو معاها ويسألوها ايش نوع بشرتها وايش المشاكل اللي عندها وايش بتستخدم لحل المشكلة, كل الاشياء هادي بيكتبوها في ملف خاص بكل بنت وبعدين بتروح يسوولها لمسات من مكياجهم ويشرحولها انواع المنتجات وكمان بيسووا مقارنات
 

 طبعا مثل ما انتو شايفين على المدخل المكان مخصص للنساء فقط 
 
هنا اول بوابة او اول غرفة مخصصة لاستقبال البنات مراجعة شنطة المكياج وفتح الملف 
 
المكان ماشاء الله كان مرررا زحمة وما تقوم بنت الا الثانية تكون وراها على طول 
 
بعد ما يخلصو الملف يرسلو البنت للغرفة الثانية واللي هي غرفة تطبيق الميك اب 
 
كل وحدة تاخذ مكانها وخبيرات التجميل يسوولهم ميك اب ويعطوهم نصائح تجميلية 
 
سارة الجميلة
كانت زي الفراشة تحوم في كل مكان وتهتم بالجميع
هنا جلست تسوي ريفريشينق شوية وتاخد صورة 
الجهة الثانية من الغرفة نفس الشيء شرح تطبيق ونصائح
بعدين الغرفة الثالثة وفيها عارضين كل منتجات ميك اب فور ايفر وحاطين البرودكتس اللي حققت افضل المبيعات 
من زاوية اخرى 
البنات بعد ما خلصو جلسة المكياج دخلو ياخدو فكرة عن المنتجات ويشتروا اشياء استخدموها في التطبيق وعجبتهم
صور تذكارية للستاف 
الطاقم حقهم كان كبير ما شاء الله لكن كلهم مشغولين لان المكان كان مرا مليان 
ما قدرو يتجمعو في وقت واحد للتصوير وانا كنت مستعجلة 
 البنت هادي سوووو كيوت مرا تحب التصوير , تعرفوا طالعة عندي بكل الصور حتى اللي ما حطيتهم في التدوينة
 اخر شيء اللي اشترت منتج تحاسب عليه وتمسك الباب الدنيا زحمة
المكان للاسف كان صغير مقارنة بالحضور اللي كانو مرا كثير 
التصوير كان صعب جدا بوحود كل البنات, كل ما احاول اخد صورة الاقي فيها ناس
لكن عموما الجو كان مبهج وجميل, كان يوم خارج عن الروتين
وانا خارجة وحدة من البنات حطتلي بلاشر عند الباب لما رجعت البيت شفته في المراية وقعت في غرامه بس ما اعرف كم رقمه
ندمت ليه ما شفت اللون وقتها كان اخدته على طول
المهم اخدت هذا كونسيلر/كوريكتور
 صبايا
اللي حضرت منكم تكتب تجربتها هنا او في الانستقرام 
بااااااااااااااااي





2 comments:

  1. I went too and it was really nice!
    I love the pictures!
    And that color corrector, that's on my wishlist!!!!
    :) did you try it? Is it good?

    ReplyDelete