مشترياتي من فيكتوريا سيكرت, ماك, بوتس, اتش اند ام ...

مرحبا بنات 

اليوم بتكلم عن مشترياتي الجديدة

من ماك

 اخدت ارواج كونسيلر وبودرة

 الكونسيلر اول مرة اخده

 الارواج الوانها شيء جديد بالنسبالي

 البودرة عندي نفسها بدرجتي, اشتريت اغمق عشان بسوي تان 

الالوان الفاتحة هوسي, كل مرة اروح ماك اقول بشتري الوان غامقة الاقي نفسي اشتريت فواتح, اخر شيء اشتريت روج غامق من ريميل وعجبني وقتها قررت اخدلي كم واحد من ماك
راح اسوي فيهم لوكات قريب ان شاء الله

 من بوتس اخدت
اول شيء على اليمين غسول الوجه للبشرة الدهنية  ومزيل الميك اب للبشرة الحساسة الاثنين من بايوديرما

 بعده سيلف تان او بخاخ تسمير ذاتي
بلسم الشعر من سوب اند قلوري

الكريم الكبير عبارة عن كريم للقدمين كنت باخذ اللي شكله زي بلسم الشعر بس البنت اللي في هناك تقول انه هذا ترطيبه اعمق!!!

فوقه فيه مرطب للشفايف وسكراب للجسم 

 نظرة عن قرب

 مزيل الميك اب اللي على اليسار شيء عجيييييب اشتريته من فترة وخلصته, رحت اشتري ثاني لقيته مخلص من عندهم كمان

اشتريت الابيض بداله

هو نفسه بس انو للبشرة الحساسة

للعلم بشرتي مرة حساسة بس ابدا ما اشتكيت من النوع العادي

 الاشياء التالية من اتش اند ام 

صراحة عمري ما فكرت اشتري منهم ميك اب, اشوفه كل مرة مو مرتب واغلبه مفتوح ووسخ, بس من فترة رحت اشتريت ملابس وفيه بلوزة ما طلعت مقاسي رجعت ابدلها وانا بحاسب جلست اطالع الميك اب قالتلي البنت في الكاشير عندنا عرض تشتري ثلاث اشياء تاخدي الرابع مجانا

 اللي شجعني اخد الاشياء هو القلم الايلاينر
اغلب الاوقات لما احط رموش اكسل ارسم فوقهم بالجل لاينر عشان اخفي اثر الصمغ
 اخدت هذا لانه اسرع

 فيكتوريا سيكرت 

دخلت مافي شيء في بالي, عجبني غلاف الجواز اخذته واخذت البخاخ, مكتوب عليه بزيت الجوجوبا للجسم والشعر انا بستخدمه للشعر

شعري طويل, دايما لازم يكون فيه بلسم او زيت عشان لا يتشبك ويتعبني في التسريح

هذا راح ينفعني اسرع من السيروم  

الغلاف مقسم لجهتين

جهة للجواز, وجهة لبطاقة صعود الطائرة 

اخيرا رحت مانويل اقضي للبيت لما خلصت جلست الف ماني عارفة ايش اشتري لنفسي

اخدت اللي لقيته ينفعني

شاور جل من نيفيا 

زيت التسمير من نيفيا كمان

مرطب القدمين 

كريم التسمير   

 بس خلاص هذا كل شيء للان

اتمنى تعجبكم مشترياتي, واتمنى انا تعجبني مشترياتي كمان

باي باي