كيفية ترتيب المنتجات المركونة

السلام عليكم ورحمة الله
قبل ايام كنت ادور شيء اصوره للانستقرام فجأة لقيتني طلعت بلاوي واشياء تقريبا انا ناسية انها موجودة، بصراحة اول مرة اكتشف القيمة الحقيقية للخزانة واللي تشيله الادراج، لقيت عندي منتجات ركنتها وباقيلها شهور تنتهي صلاحيتها، ومنتجات جديدة لسة ما استخدمتها واشياء دوبي شريتها في نفس اليوم وللاسف راح تنظم للي قبلها
زعلت من نفسي حسيت اني محتاجة تغيير، ما ينفع يستمر الوضع كذا


كيف تحضرين سموذي سريع

السلام عليكم ورحمة الله
زي ما كلنا نهتم بالجمال الخارجي والمنتجات الجمالية لازم نهتم بالرشاقة والاكل الصحي
عدد كبير من المشاهير صارو يعتمدوا السموذي كجزء من الدايت حقهم منهم ميراندا كير، ايفا لونغوريا، جيسيكا البا ... وغيرهم
عجبتني فكرة انه شيء بسيط زي دا يكون بداية الهيلثي لايف ستايل فحبيت اشارككم طريقة سهلة لتحضير سموذي لذيذ وصحي

افضل مزيل مكياج واسرع طريقة لتنظيف الوجه

السلام عليكم ورحمة الله
قبل فترة حضرت زواج صديقتي, ورجعت البيت مرا تعبانة على قد ما فريت من مكان لمكان
خرجت من القاعة للسيارة شايلة الكعب في يدي, وطول الطريق بس اتمنى اغمض عيوني وافتحها الاقيني في سريري نايمة وكل شيء تمام...
وصلت البيت جلست قدام المراية انظف وجهي وابغى اختصر كل شيء عشان اخلص وانام, وقتها قررت اكتب تدوينة عن طريقتي المختصرة في تنظيف الوجه امكن تستفيدون منها
SO KEEP READING

العناية بالشعر ,اشياء ما استغني عنها

السلام عليكم ورحمة الله
فيه بنات يحبوا التغيير, دائما يدورو على اشياء جديدة ودائما عندهم امل انه هذا الشيء غير
انا من النوع دا اعترف
كل ما اشوف او اقرأ عن منتج فيه مواصفات ابغاها لازم اشتريه, ومع كل منتج اشتريه اقرر انه الاخير لين اطيح على شيء جديد
لكن في المقابل فيه اشياء دائما ارجع اشتريها مهما جربت غيرها وهذا اللي راح اتكلم عنه اليوم

مشترياتي من ميني وجولة صغيرة

السلام عليكم ورحمة الله
اليوم كنت مخططة اخذكم معايا جولة تفصيلية بالصور في ميني, لكن للاسف المكان على طول مليان ما قدرت اصور براحتى,كل ما اسوي فوكس على مكان معين الاقي ناس رايحين جايين, كان ودي اصرخ ستووووب لاحد يتحرك عصبت, بس خفت يجيبون الامن
المهم  قدرت اخذ كم لقطة وراح اوريكم ايش اشتريت تحت
اللي ما تعرف ايش ميني, هو عبارة عن محل زي نظام دايسو ومهجة وبرافو

جمعة بنات, الفوطة الصحية والدورة الشهرية

السلام عليكم ورحمة الله
اليوم بكلمكم في موضوع يهم كل النساء بشكل عام وفئة من الرجال المثقفين بشكل خاص
اي بنت مراهقة في بداية دورتها الشهرية خيارها الاول بيكون الفوط الصحية وعدد كبير جدا من النساء هي اختيارهم الوحيد

شرح مهم عن العينات المجانية + قيف اواي giveaway

السلام عليكم بنات 
من كم يوم صار صراع على الانستقرام  بسبب اعلان بنفت عن عينات مجانية ما تحتاج عملية شرائية, بس نوريهم الصورة اللي على حسابهم في اي فرع من فروع وجوه
المشكلة انه مجموعة كبيرة جدا من البنات لما راحو محلات وجوه البائعات طلبو منهم يشتروا عشان يحصلو على العينات وفيه اللي قالولهم العرض خلص من شهر وهو دوبه نزل الاعلان وفيه اللي قالولهم مافيه عرض اصلا وهذا سبب استياء وخيبة امل وتعليقات سلبية على حساب بنفت في الانستقرام


تغطية ايفنت ميك اب فور ايفر


هاي بنااااااااااات 
اليوم التدوينة حتكون نقل للايفنت اللي سوته ميك اب فور ايفر بالتعاون مع وجوه في الريدسي مول جدة
الفكرة من الحدث انه كل بنت تجيب شنطة مكياجها اللي تستخدمه وخبيرات التجميل يتحاورو معاها ويسألوها ايش نوع بشرتها وايش المشاكل اللي عندها وايش بتستخدم لحل المشكلة, كل الاشياء هادي بيكتبوها في ملف خاص بكل بنت وبعدين بتروح يسوولها لمسات من مكياجهم ويشرحولها انواع المنتجات وكمان بيسووا مقارنات
 

منتجات لاش lush ورأيي فيهم

السلام عليكم بنات
واخيرا بكتب ريفيو عن مشترياتي من لاش, صارلها اكثر من شهرين تحت الاختبار
طبعا لما نتكلم عن منتجات لاش lush اول شيء يخطر على البال هو شامبو big باملاح البحر لانه الاكثر مبيعا في كل الدول

مشترياتي من فيكتوريا سيكرت, ماك, بوتس, اتش اند ام ...

مرحبا بنات 
اليوم بتكلم عن مشترياتي الجديدة


من ماك
 اخدت ارواج كونسيلر وبودرة

مشتريات ندمت اني اشتريتها

السلام عليكم ورحمة الله 
اليوم راح اتكلم عن الاشياء اللي اشتريتها وما ناسبتني وللاسف مصيرها سلة المهملات



التدوينة المفروض اتكلم فيها عن كل الاشياء اللي ما ناسبتني, بس قررت اقسم الموضوع لجزئين عشان لا يكون طويل وممل هذا راح اتكلم فيه عن الميك اب والجزء الثاني راح اتكلم فيه عن العناية 

ريفيو مجموعة المكاديميا للشعر

السلام عليكم بنونات
صارلي فترة اسمع مدح للسما عن مجموعة المكاديميا للشعر قلت اجربه وكالعادة اشتريت السيت الصغير لاني ممكن ما احبه وما ابغى اخسر مبلغ كبير وفي الاخير اركنه جنب كل المنتجات اللي اشتريتها وما عجبتني
بنات قد ذكرت فوائد شراء منتجات احجامها صغيرة للتجربة في موضوع سابق
اقرؤوه هنا

مفضلاتي في الفترة الحالية

هاي قيرلز
اليوم بتكلم عن منتجات استخدمتها وحبيتها وصارت مفضلة عندي
اول شيء هو مرطب ايوس
اشتريته لاني انام والمكيف عالي جدا فالغرفة تصير بررررد وما اعرف اغطي راسي وانا نايمة فشفايفي كل يوم الصباح الاقيها ناشفة حتى لما احاول ابتسم احس كني حاطة قلوس صمغ " هههههههههه شفتو التشبيه كيف "

مشترياتي من بنفت, سيفورا, ماك, ميك اب فور ايفر, نارس, باث اند بودي, بوتس, تو فيسد...

السلام عليكم ورحمة الله 

انا انسانة احب الميك اب, احب اجرب انواع مختلفة, احب اغير كل فترة ودائما ادور شيء جديد, وكثير اشياء اشتريها ويوم اجربها او استخدمها اندم واقعد اتحسف اني دفعت فيها كل هذا المبلغ وبعدين ما ناسبتني فصرت ما اشتري شيء الا لما اقرء عنه واشوف اراء البنات فيه, لكن احيانا اللي يناسب وحدة ما يناسب الثانية, فاخيرا قررت اني اي شيء ابغى اشتريه لاول مرة اشتريه حجم صغير, لانه اولا حجمه ممتاز للتجربة والحكم عليه هل مناسب او لا, ثانيا انه حتى لو ناسبني لكن بعد  فترة مليت منه او من الريحة او نزل شيء احسن اشتريه بدون ما احس بالذنب, ثالثا وهو الاهم انه ارخص وبدل ما اشتري مثلا منتج واحد حجمه كامل اشتري 
 منتجين بنفس السعر او اقل او ادفع فرق قليل لكن في الاخير بكون اشتريت حاجتين